Munduko pertsona txiroen % 25 inguru landa-eremuan bizi da eta finantza-zerbitzuetara iristeko arazoak izaten dituzte. Hori dela eta, Oikocredit kooperatibaren misioa betetzeko, ezinbestekoa da eremu horietan lan egitea.
Landa-eremuak
Landa-ingurunetara iristeko bereziki azpimarratzen dugu nekazaritza-proiektuen finantzaketa. Halaber, lurraldean presentzia nabaria duten tokiko mikrofinantza instituzioekin batera lan egiten dugu.
Era berean, zenbaitetan, landa-eremuetan inpaktu berezia duten proiektuetan kolaboratzen dugu, esate baterako, sustatzen ditugun erakunde batzuekin banku mugikorra garatuz, edo Barefoot Power eguzki-argiztapen autonomorako enpresan partizipazioa izanez.
Landa-eremurako irisgarritasuna egiazko erronka da. Diego Fernando Concha Microfinanzas Prisma erakundeko (Oikocredit kooperatibaren bazkidea Perun) zuzendari nagusia da. Berak dioenez: “Merkeagoa da hirigunetan zerbitzua ematea. Landa-eremuetara iristea zailagoa da. Gainera, bezeroak isolatuta daude geografikoki eta kulturalki eta, horren ondorioz, heziketa-programak abiarazi behar dira”.
